සිංහරාජයෙන් අප ලද අපූරු තොරතුරු ……………

samanthika

අප ගිය දෙදින චාරිකාවේ දෙවන දවස සිංහරාජ වැසි වනාන්තරය නැරඹීම සඳහා යොදා ගත්තා. අප සියලු දෙනාම එයට යොමු වූයේ ගොඩක් සතුටින්, නමුත් අපේ සතුට හීන වූයේ කූඩැල්ලන් සතුන් විශේෂය අපගේ පාද වලට පැමිණීම නිසාය.මුලදි  එම සත්ව විශේෂය නිසා මට මහත් පිළිකුලක් ඇතිවුණා. කූඩැල්ලෙක් පාදයට පැමිණි විට මම මෙන්ම මගේ මිතුරියන් දෙදෙනාත් හයියෙන් කෑගැහුවා. ඇත්තටම නුපුරුදු අත්දැකීමක්, ඒ සත්ව විශේෂය මම මීට පෙර කවදාවත් දැක තිබුණේ නෑ. ඒ නිසා මුලදි පාදය තුළට එන විට ගොඩක් බය හිතුණා. නමුත් ඔවුන් දිගටම අපගේ පාද වලට ඒමට පටන් ගත්තා. ඒ නිසාම අපි කවුරුත් අතේ කෝටු‍වක් තියාගෙන හිටියා. ඒ කූඩැල්ලන් ඉවත් කිරීමටයි. එම සතුන් ඉවත් කිරීමට තරමක් අපහසුයි, ඒ නිසා මම ගොඩක් බයෙන් හිටියේ. මුලදි  බයෙන් තැති ගත්තද,පසුව ඒ සතුන් ගැන බයක් නොදැනුනේ ඔවුන් සිංහරාජ වනාන්තරය පුරාම සිටින හෙයිනි.එම සතුන් ඉවත් කර කර ගමන් කිරීමට සිදු වූ නිසා එය අපගේ තවත් එක් කාර්යයක් බවට පත් වුණා. එම නිසාම තබන සෑම පියවරක් පාසාම මහත් සැලකිල්ලකින් පාද තැබීමට අපට සිදු වුණා.
 අප දිවා ආහාරය දිය ඇල්ලකට යන කුඩා ජල පහරක් අසල තබාගෙන ගත් අතර නැවත ගමන් ඇරඹුවේය. වනාන්තරය මැදින් ගමන් කරන විට ගස් අතරින් ගමන් කිරීමට වඩා අප කැමති වූයේ දිය පහර දිගේ ගල් උඩින් යාමටයි.එයට හේතුපාදක වූයේ ගස් අතරින් ගමන් කරන විට කූඩැල්ලන් නැමති සතුන් සිටින නිසාය.  මෙහිදී විවිධ වර්ගයේ ශාක වර්ග,කෘමී වර්ග වැනි දෑ දැක ගැනීමේ භාග්‍යය අපට ලැබුණා. 
   බටුවංගල පාසලෙන් ඉසුරු මල්ලියි, ප්‍රියන්ත මල්ලියි, ජීවන් අයියයි අප ගමනට සහභාගී කරවූයේ ඔවුන් සිංහරාජ වනාන්තරයට ගොස් පළපුරුදු අය වූ හෙයින් අපගේ ගමනට මඟ පෙන්වීමටයි. මෙහිදී මොවුන් තිදෙනාගෙන් අප ගමනට නොමද සහයක් ලැබුණා.
   වෙහෙසකර වූ මෙම ගමනේ අපූරු මතකයන් අපේ සිත තුළ ඉතිරි කර ගැනීමට අපට හැකිවුණා. කිසිදිනක කූඩැල්ලා නැමැති සත්වයා ඇස නොගැසුණු මට නැවත එම සත්වයා කිසිදිනක අමතක කළ නොහැකි යැයි මට සිතේ. කෙසේ වුවත් සිංහරාජ ගමන සාර්ථකව නිම කිරීමට අපට හැකිවුණා. සිංහරාජ වනාන්තරය නැරඹීමට යාම ඇත්තටම අපූරු අත්දැකීමක් වුණා.

One Response to සිංහරාජයෙන් අප ලද අපූරු තොරතුරු ……………

  1. wadugebmv says:

    ඹයාලා ලස්ස්නට අපේ ගම ගැන ලියලා තියෙනවා නේද

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: